Cheu tenin nus Vus adina sil current! Sin quella pagina anfleis
Vus aschibein las publicaziuns ufficialas dall'administraziun sco
era ulteriuras annunzias d'interess public.
::
Controlla aua da beiber
Ils 2 da zercladur 2010 ei vegniu controllau entras igl Uffeci per la segirtad da victualias e per la sanadad d'animals dil Grischun l'aua da beiber dalla vischnaunca d'Andiast. Tenor rapport corrispundan las emprovas d'aua allas pretensiuns che vegnan perscrettas tenor l'ordinaziun da higiena.
Dil resultat da quella emprova sa vegnir priu investa sin canzlia communala ni sut www.vuorz-andiast.ch.
Tuts patruns che han occupau luvrers jasters enteifer igl emprem semester 2010 ein supplicai da quintar giu la taglia alla fontauna entochen ils 31 da fenadur 2010. Plinavon ei igl importo dalla taglia da pagar immediat alla cassa communala.
Obligai da far pumpiers ein las annadas 1966 - 1992.
Noviz/as che vulessen entscheiver cul survetsch da pumpiers duein s'annunziar entochen il davos da fevrer 2010 tier il cumandant ( 079 611 32 79).
L'Uniun d'advocats, regiun Surselva stat era igl onn vegnent a disposiziun per
cussegliaziuns giuridicas e quei mintgamai ils suandonts datums:
Termins:
6 da fevrer 2010
1 da matg 2010
4 da settember 2010
2 d'october 2010
4 da december 2010
Liug:
Casa Cumin a Glion, 2. alzada
Temps:
Mintgamai dallas 10.00 - 11.00 uras
Cuosts:
Per mintga consultaziun ina taxa da frs. 10.--
