Andiast ei ina bellezia vischnaunca muntagnarda, tschentada sin ina collina fetg sulegliva e migeivla da vart seniastra dil Rein sin ca. 1’185 m s.m.

Per saver porscher ina plattafuorma d’informaziuns optimala a nossas cunvischinas, nos cunvischins e hosps, havein nus realisau la presenta homepage. Cun las suandontas paginas vegnan las attracziuns e novitads da nossa vischnaunca sco era las purschidas dall’administraziun communala presentadas a Vus.

Sievi Sgier, president communal

La "Casa da vacanzas e sport" ei vegnida renovada e remodernisada. Ellas novas localitads sesanflan 60 letgs, en combras da 8 ni 12 persunas. Pils menaders stattan combras separadas (studios) a disposiziun. La cuschina ei medemamein vegnida renovada. Gest sper la cuschina sesanfla daniev ina stanza da magliar.

Dapli informaziuns, sco era reservaziuns saveis Vus prender avon silla pagina da groups.ch

Preziadas vischinas, preziai vischins

La suprastonza communala envida tuttas convischinas e tuts convischins alla proxima radunonza communala che ha liug venderdis, ils 20 da schaner 2012 allas 20.15 uras en casa da scola (halla da gimnastica).

Tractandas:

1. Beinvegni ed elecziun dils dumbravusch
2. Approbaziun dil protocol dils 17 da december 2011
3. Fusiun denter las vischnauncas d'Andiast, Breil e Vuorz
3.1 Explicaziuns tier il messadi
3.2 Discussiun
3.3 Decisiun davart il contract da fusiun
4. Varia

Dil protocol dalla radunonza communala dils 17 da december 2011 sa vegnir priu investa sin canzlia communala ni sin cheu.

Suprastonza communala Andiast